القصة المرعبة اللي سوف احكيها لك دي تعتبر واحدة من أغرب قضايا الرعب اللي سوف تعرفها وهي قصة بيل ويلكنز وبيت انفيلد المسكون ، وده لأنها موثقة بالصوت والصورة، وكان شاهد عليها أشخاص كتير منهم رجال شرطة، محققين صحفيين و روحانيين وغيرهم،
ولن تصدق حل لغز الأحداث دي. أكتر من 25 سنة قبل ما تشوف الصور وتسمع التسجيلات الحقيقية، لازم الأول تعرف قصة بيل ويلكنز وبيت انفيلد المسكون من البداية،
قصة بيل ويلكنز وبيت انفيلد المسكون
قصة بيل ويلكنز وبيت انفيلد المسكون بدأت في بيت صغير في مدينة إنفيلد في لندن وسمي بيت انفيلد المسكون، واللي كان ساكن فيه ست مطلقة اسمها بيل ويلكنز مع ولادها الأربعة، في ليلة بعد ما بيل ويلكنز دخلت ولادها غرفهم عشان يناموا جلست في غرفة الجلوس تتفرج على التليفزيون.
لكن بعد شوية سمعت صوت دوشة وخبط جاي من غرفة البنات في الدور الثاني زعقت وهي في مكانها وقالت لهم يبطلوا لعب وينامو لكن الدوشة لم تتوقف فقامت بيل ويلكنز من مكانها وهي غضبانة وطلعت لغرفتها.
فتحت الباب واندهشت لما لقت البنتين متسمرين في سرائرهم وينظروا برعب لمكان معين في الغرفة، بالتحديد للدولاب والذي اتنقل من مكانه الطبيعي لنص الغرفة. بيل ويلكنز راحت ناحية الدولاب ودفعته لحد ما رجعته مكانه تاني.
وما هي لحظان مشيت شوية وتفاجئت بمشهد مرعب. الدولاب اتحرك قدامها لوحدة لحد ما وصل لنص الغرفة وفي نفس اللحظة سمعت تلات خبطات ورا بعض. بعدها سكوت قطعه صوت خط تاني. بس المرة. على حيطة أخري
بيل ويلكنز ارتعبت وأخدت ولادها الأربعة، وجريت على جارتها تستنجد بيها جوز جارتها راح البيت عشان يشوف فيه إيه فضل يلف في البيت ويدور على أي حاجة غريبة. لكن لم يجد أي حاجة.
فجأة سمع صوت خبط على الحيطة. طلع الدور الثاني وتفاجئ بصوت الخبط ماشي وراه حش بالرعب لوهلة لكنه تماسك، وقرر ينزل القبو وهو مفكر إنه ممكن يكون فيه مشكلة في أنابيب المياه مثلا، لكن الأنابيب كانت سليمة ما فيهاش أي مشكلة،
الخبط فضل وراه، أيضا طول ما هو يتحرك، الراجل ارتعب و خاف وهرب من البيت،
بيل ويلكنز لم يكن قدامها حل، غير إنها تتصل بمركز الشرطة. المركز ارسل لها شرطي وشرطية، فتشو البيت، وفضلوا يدوروا على سبب للخط ده، لكن لم يجدوا أي حاجة.
فجأة واحد من أولاد بيل ويلكنز صرخ وهو بيشاور على كرسي في غرفة الجلوس الشرطية التفتت للكرسي واتفاجئت بيه يهتز جامد جدا ويتحرك من نفسه لحد ما وقف عند جدار المطبخ.
الشرطي والشرطية فحصوا الكرسي كويس وبحثوا عن خيط أو أي خدعة ممكن تكون هي اللي حركته، لكن ما لقوش حاجة ف ارتعبوا وسابو البيت بسرعة بعد ما قالو لبيل ويلكنز إن اللي يحصل في بيتها مش من اختصاصهم، من الآخر خلعوا
في الكام يوم، اللي بعد كده الأحداث الغريبة في بيت انفيلد زادت بشكل مخيف، والحي كله بقى عارف اللي يحصل في البيت وسموه بيت الاشباح وبيت انفيلد المسكون.
الأخبار وصلت للصحافة، واللي أرسلت صحفيين ومراسلين للبيت، واللي شافوا بعينهم الأحداث المرعبة اللي تحصل هيئة الإذاعة البريطانية كمان بعثت فريق عشان يسجلوا اللي يحصل، وبالفعل سجلوا أصوات الطرق الغريبة والمرعبة، لكن لما رجعوا مقر الإذاعة لقوا أجهزة التسجيل كلها فسدت والتسجيلات ممسوحة
بيل ويلكنز اتصلت ب جمعية البحوث الروحانية البريطانية، على أمل إنهم يساعدوها، الجمعية، بعت شخصين يحققوا في القضية، واللي حضروا هما كمان، وشافوا كل الأحداث المرعبة من اثاث يتحرك لوحده، حاجات بتطير في الهوا، كتب تظهر وتختفي، التليفزيون اللي يشتغل لوحده، وغيره وغيره.
لكنهم لاحظوا حاجة مهمة جدا، وهي إن معظم الأحداث متركزة حول بنات بيل ويلكنز، خاصة البنت الصغيرة، جانت الأحداث الغريبة دايما تحصل في المكان اللي هي موجودة فيه، ده غير إن بدأت تظهر عليها أعراض غريبة و تفاجئوا بيها أكتر من مرة تترفع في الهوا وتدخل في حالة صرع
بتخليها عنيفة جدا لدرجة إنها زقت واحد من الصحفيين ورمته لمسافة 4 متر
الأغرب هو صوت اللي كان يخرج من بقها من غير ما تحرك شفايفها صوت غليظ لرجل عجوز المحققين تكلموا مع الصوت ده وسجلوا حوار معه
الصوت عرف نفسه بانه راجل عجوز كان عايش في البيت ذلك اي بيت انفيلد المسكون من فترة، وإنه اتصاب جلطة في الدماغ وأتعمى ومات لوحدة وهو جالس لوحده في غرفة الجلوس.
الغريب إن جانيت كانت بتفوق من الحالة دي وهي مش فاكره أي حاجة من اللي حصل المحققين شكوا إنها ممكن تكون هي التي تتلاعب بالصوت ف خلوها تشرب ميه وتسيبها فوقها عشان يتأكدوا إن مش لسانها اللي يتكلم لكنهم تفاجؤوا ان الصوت خرج منها برضوا
استشاروا دكتور واللي قالهم إنه مستحيل تتكلم بصوت الغليظ ده من غير ما تحرك شفافة وكمان فيه مياه فوقها فتأكدوا إنها حالة مس الشيطان خاصة لما تأكدوا إن فيه راجل عجوز مات فعلا في بيت انفيلد المسكون وبنفس الطريقة اللي وصفها الصوت
المحققين ركبوا كاميرات في غرفة البنات سجلت لقطات مخيفة ومرعبة للأثاث، وهو يتحرك من مكانه، ولجانيت وهي بتطير في الهوا، وكأن قوة خفية تشيلها وتلف بيها الأحداث الغريبة فضلت مستمرة مع عائلة بيل ويلكنز وبيت انفيلد المسكون أكتر من سنة.
بعد كده بدأت تخف وتهدى واحدة واحدة ولم يكن احد قدر يعرف ليه الكيان ده هاجم العيلة دي وبالأخص البنتين لحد ما خرجت مارجريت في لقاء بعد سنين، وكشفت عن حاجة ممكن تكون هي فك اللغز، وسبب اللي حصل للعيلة دي،
وهي إن جانيت وأختها جابوا لوحة ويجا ولعبوا بيها في غرفتهم قبل بداية الأحداث بكم يوم جانيت قالت إن الكيان كان غاضب ومؤذي في البداية لكن مع الوقت هدي واتعود علي وجودهم. ولمعرفة المزيد حول قصص الرعب الواقعية يمكنك الاطلاع عليها من هنا
