قصة عمارة رشدي أشهر عمارة في اسكندرية : عمارة اشباحها طاردة للسكان

مقدمة حول قصة عمارة رشدي أشهر عماره في اسكندرية : عماره اشباحها طاردة للسكان

عمارة ضخمة سميت العقار رقم 483 وايضا عمارة الجن و عمارة الرعب وهي عمارة لونها كئيب توقف عندها الزمن , كأنها في سبات عميق وطويل، مش مهتمة بكل ما يدور حولها من صخب ولغط وضجيج وشهره،

لانها معروفة عند كل الإسكندرانيه ،

خصوصا سكان منطقة رشدي واللي يقال بأنها هجرت منذ زمن طويل بسبب اللي كان ب يحصل فيها من أمور غريبة ..

أمور لا تخطر ع بال ومعمرنا هنشوفها الا ف أفلام الرعب .

 

ما الذي حدث جعل عمارة رشدي أشهر عمارة في اسكندرية

في تلك الفقرة سوف نتحدث عن ما الذي حدث جعل عمارة رشدي أشهر عماره في اسكندرية وما هي أسباب شهرة عمارة رشدي العقار رقم 483

طب اي اللي حصل بالضبط ؟ ..

العمارة مهجوره من الستينيات وفيه قصص كتيره يرويها الناس ,

• بعضها بتكلم عن واحد رمي بنفسه من الدور الأخير لسبب مجهول ،وكان صراخه المرعب اللي شق سكون الليل هو آخر حاجه تركها في ذاكره الناس
• دا غير قصه الراجل اليوناني اللي غرق هو وجميع أفراد عائلته في حادث مركب صيد بعد يومين فقط من سكنه بالعمارة ..
• قصة العريس اللي شاف الدم سايل من حيطان شقته وبعدها قط اسود كبير ! ..

 

الغرائب والأحداث الغامضة استمرت بالوقوع داخل عمارة الرعب لحد ما قفل الحراس أبوابها بالخشب و الحجارة وسابوها لأشباحها وعفاريتها المشاكسة …

من وقتها و الناس في إسكندرية بيتحاشوا مجرد النظر إليها , وبيعدو بسرعه من قدامها حتي لاتطاردهم بشرورها ..

 

أسباب لعنة عمارة رشدي

في تلك الفقرة سوف نتحدث عن أسباب لعنة عمارة رشدي العقار رقم 483

لكن ايه هو سبب اللعنة اللي حلت بعمارة رشدي ؟ ..
وعشان الاسباب كتير ف بعض الأساطير بتزعم

• بأن العمارة كانت وهيا بيتم بنائها لما وقع مصحف من احد العمال و بنيت عمارة الرعب فوقه ..
• وفيه بيقول بأن أرض العمارة بنيت فوق مسجد كان تعرض للهدم يعني المسجد من المقاول اللي شيد العمارة ..
• وغيرهم بيقولوا بأن العمارة بنيت فوق مقبرة , وبأن بعض المدفونين ف المقبرة كانوا ماتوا في حوادث مأساوية غامضة , عشان كدا سكنت عفاريتهم العمارة وبقت ترعب كل اللي يجرؤ علي السكن فيها .
• وقصة تانيه تزعم بأن كان فيه ٢ مقاولين اشتركوا في بناء العمارة , قام واحد فيهم نصب ع التاني وسرق فلوسه فأنتقم اللي اتسرق من اللي سرقه بعمل تعويذة عند ساحر من المتمرسين بالسحر الأسود , وقام بدفن التعويذة ف أساسات المبنى عشان متوصلش لحد .

 

قصص الرعب في عمارة رشدي

في هذه الفقرة سوف نتحدث عن قصص الرعب في عمارة رشدي

1- القصة الأولي في عمارة الجن عمارة رشيد

 القصة أو الأسطورة الاولي من قصص الرعب في عمارة رشدي اللي الكل بيتداولها حول المبنى هو أنه اتبني سنه 1961 , وكان صاحبه رجل يوناني اخد أسرته عشان تعيش معاه ,

لكن لم تمر الا أيام قليله علي سكنه في العمارة لحد ما مات هو وأولاده بعد أن غرقت مركبهم أثناء خروجهم في رحلة صيد .. وبعد موت “الخواجه” باعت زوجته العمارة وسابت البلد .

صاحب العمارة الجديد قرر أنو يأجر شققها , لكن النحس كان ديما بيطارد كل اللي حاول السكن فيها ,

 

 

2- القصة الثانية في عمارة الجن عمارة رشيد

فالرجل اللي استأجر الدور الأول مات في حريق هائل اندلع  في شقته بعد فترة قصيرة من سكنه فيها ,

 

 

3- القصة الثالثة في عمارة الجن عمارة رشيد

أما الدكتور اللي استأجر الدور الثاني مات في حادثه عربية بعد أيام علي افتتاح عيادته .

 

 

4- القصة الرابعة في عمارة الجن عمارة رشيد

الدور الثالث استأجرته واحده بتعيش لوحدها لأن أولادها بيعملو في الخارج , وبعد أيام عثروا عليها مقتولة ولحد دلوقتي محدش عارف مين قتلها .

 

 

5- القصة الخامسة في عمارة الجن عمارة رشيد

شركة تجارية استأجرت الدور الرابع افلست وصاحبها مات منتحرا .

 

6- القصة الأشهر في عمارة الجن عمارة رشدي ( قصة عروسين عمارة رشدي)

في هذه الفقرة سوف نتحدث عن القصة الأشهر في عمارة الجن عمارة رشدي اذا ما هي  اشهر قصص الرعب في عمارة رشدي
أما أشهر القصص فهي عن العريس البائس اللي دفعته أزمة السكن لتحدي قوى الشر اللي كان سمعها بالفعل عن العمارة فتجرأ و استئجار شقه فيها ..

ويقال بأن الليلة الأولى للعريس في العمارة كانت ليلة حمراء مش عشان هي ليلة الدخلة

ففي تلك الليلة الدهماء ، العريس وعروسه شافوا
دم بيسيل من علي الحيطان , الحنفيات بتنزل مياه حمرا زي الدم , وظهر ليهم قط أسود عملاق , ولما حاولوا يهربوا من القط لقوا امرأة مقطوعة الرأس مستنياهم في الصالة , وكان رأسها المقطوع مرمي علي الأرض و بيضحك بصوت مفزع ..

العروسين المرعوبين جريوا لباب الشقة فلقوا إن الباب اختفى , وكان فيه رجل أسود مخيف المنظر ليه أنياب طويلة وحادة مستنيهم , ففتح بؤقه علي اساس يبلعهم وبعدها محسوش بحاجه ولقوا نفسهم فس صباح اليوم التاني مُغمي عليهم ف الشارع وهما شبه عاريين .
ويقال بأن كل من سكن العمارة بعد كدا كان بيلاقي أثاثه محطم ومرمي بالشارع الصبح ! ..
وبأن العفاريت كانت بتهز المبنى عشان ترعب ساكنيه .. والدم بيتدفق من الحنفيات .. والأبواب والشبابيك تفتح وتغلق من نفسها ..

 

قصة شيخ عمارة رشدي

في تلك المقالة سوف نتحدث عن قصة شيخ عمارة رشدي

السكان قالوا الحل ف الشيوخ
جابوا شيخ يقرأ ع العمارة ويخلصها من عفاريتها ..

اختفى سلم العمارة ! الشيخ ملقاش سلم يطلع عليه ..

ولما حاول دخول شقق الدور الأرضي اختفت أبواب الشقق !! ..

ويقال بأنه بعد فترة حضر شيخ تاني وإستهزأ من حكايات الناس عن العفاريت اللي بتسكن العمارة ..

وقرر أنه يسكن لوحده في العمارة عشان يثبت للناس بأن كل اللي بيسمعهوه مجرد خرافات لا أساس لها من الصحة ..

وفعلا اليوم الأول عدي بسلام منغير أي حوادث .. والثاني .. والثالث .. والرابع .. لحد م ظن الناس بأن كلام الشيخ مضبوط وبأن كل اللي بيدور حول العمارة مجرد تخاريف .

لكن في اليوم السابع الناس صحيت علي الشيخ وهوا مرمي في الشارع وأثاثه من حوله متكسر ع الأرض , ولما سألوه عن اللي عمل كدا مجاوبش من شدة رعبه , ويقال بأنه مات بعد أيام قليلة من شدة الصدمة .

 

اقتحام عمارة رشدي عام 2012

في تلك المقالة سوف نتحدث عن اقتحام عمارة رشدي عام 2012
بعيدا عن كل اللي بيتقال عن العمارة ، سكان الحي القدامي بيقولو إن كل الأساطير حول العمارة لا أساس لها من الصحة ,

وأن سبب بقاء العمارة خالية من السكان حتى يومنا ده هو أن صاحبها مات بعد الانتهاء من بنائها بفترة قصيرة فأختلف ورثته حولها وبقيت العمارة مهجورة حتى يومنا ده بسبب الخلاف .

القصة دي ب يؤكدها حادث اقتحام مجموعة من الشباب للعمارة سنه 2012 بناء علس دعوة وجهها واحد منهم علي فيسبوك ,

وفيه صور وفيديوهات  يظهر فيها الشباب وهما بيشاورو بأيديهم من بلكونات العمارة بعد ما دخلوا ليها من جراچ سيارات مجاور لها ,

و المقتحمين قالو بأنهم مشافوش اي حاجه غريبه أو خارقا للعادة ف الداخل , وأن العمارة غير مكتملة البناء , لان الجدران م زالت غير مكسوة بالجبس , ودا يدل ع أن محدش سكن ف العمارة قبل كدا , وبالتالي فأن كل القصص اللي قيلت عن المبنى لا أساس لها من الصحة .

 

 

مازالت الناس بيؤمنوا بأن فيه سر كبير فس الموضوع .. لو كان فيه خلاف بين الورثة فعلا فهل يعقل أن الخلاف يستمر من الستينات وحتى الآن ! .. وهل من المنطقي عقار ضخم زي ده يساوي ملايين يسيبوه كدا ومهملا بهذه الصورة .. طيب مين اللي ب يدفع راتب الحارس وعائلته ؟ ..

ومين اللي قام بسد باب العمارة بالطوب .. ومين دول اللي بييجوا إلى العمارة بالليل بعربيات حديثة ويمشوا قبل طلوع الصبح جايز فيه سر المسئولين أخفوه وراء حكايات العفاريت والأشباح ؟ .. كل دي أسئلة تبقى من دون جواب ..

وهذه صورة عمارة رشدي بعد التجديد