في تلك المقالة سوف نروي واحدة من أكثر قصص الرعب في مصر شهرة وهي قصة شقة العفاريت ببورسعيد ونعرف ما هو السر وراء حكاية عمارة العفاريت ببورسعيد فتابعوا المقالة.
قصة شقة العفاريت ببورسعيد
ما هي قصة شقة العفاريت ببورسعيد
سمعت قبل كده عن شقة العفاريت ببورسعيد اللي صاحبها كان رجل دجال وفي مرة كان يحضر جن جواها ولكن للأسف معرفش يصرفوا وبسبب اللي حصل فيها سموها شقة العفاريت ببورسعيد
تفتكر إيه اللي ممكن يحصلك لو جيت في مرة وقرأت في كتاب سحر يعني كان عنده الفضول أنك تعرف هل فعلا الكتب دي تحضر عفريت وتحضر جن ولا ما فيش الكلام ده
طيب لو حصل فعلا وحضرت الجن ومعرفتش تصرفه إيه اللي ممكن يحصل؟
قصة النهارده حصلت تقريبا من عشرين سنة فاتوا شقة في بورسعيد في يوم وليلة طلع عليها لقب شقة العفاريت ببورسعيد
سنة 1999 م في حي الزهور تحديدا في منطقة عمرو بن العاص سكان المنطقة صحيوا على صوت انفجار شديد جدا وقت أذان لفندق الانفجار حصل في عمر رقم 11 وبدأ الصريخ كله يشتغل والناس كانت مرعوبة
الموضوع مكنش طبيعي وفجأة يشوفوا المنظر أن الحطام الخاص بالشقة كلها اللي من برا متكسرة ومخلوعة ومرمية تحت والأغرب كمان إن حتى الشبابيك والازاز اللي كانوا في الحطام دي مرميين بعيدا عن الشأن بتقريبا 50 متر وأكثر
والمشكلة في الجدران نفسها فالجدران كانت مخلوعة بدقة شديدة جدا طب ازاي وهي واقعة على الأرض قدامهم دا حتى مفيش طوبة واقعة ولا طوبة داخلة كأنها معمولة بمسطرة وبحرفية شديدة جدا.
انفجار إيه ده اللي يعمل كدا في الجدران طب لو قلنا أنه اللي حصل ده مثلا بسبب ماسورة غاز وهي اللي فرقعت أو ماس كهربائي مثلا هو اللي كان السبب
المفروض لو حاجة زي كده حصلت يكون في أي آثار للنار أو أي آثار الحريق بس زي ما أنت شايف مفيش أي أثر لحريق ولا لنار .
وبرضو ازاي الحيطان من قوته الانفجار هتوقع كلها وتترمي بعيد وقاعدة الحمام اللي الانفجار كان عندها زي ما هي سليمة ما فيهاش ولا خدش وواقفة زي ما هي.
دي حتى شباك الحمام والإزاز اللي موجودين جوا ما فيش حاجة تأثرت وكأن الانفجار ده حصل على الحيطة بس
الناس اللي واقفة كانت هتنجن يعني سامعين الانفجار بودنهم وفعلا الحيطة ووقعت تحت ولكن الحمام من جوا وكل الحاجة اللي موجودة سليمة ومفيش أي أثر للانفجار.
دا حتى الحيطة اللي بينهم وبين الجيران برضوا زي ما هي سليمة ولم تتأثر.
ده غير طبعا كلام الشهود واللي قال إنه في ناس منهم طلعوا ووجدوا إن كان فيه كوب مياه موجودة في الكومودينو اللي أوضة النوم والكوباية كانت زي ما هي متأثرتش ولا تزحزحت من مكانها طب ازاي ؟ محدش فاهم
سر شقة العفاريت ببورسعيد
ما هو سر شقة العفاريت ببورسعيد
وعلى حسب كلام أهل المنطقة يقولوا أن صاحب شقة بورسعيد هو دجال وأنه قال لهم يعني إن هو بالصدفة حد أعطي له كتاب سحر وكان بيقرا فيه..
وطبعا عرفهم كدا عشان لا يقولوا أنه هو كان ليه في سكة السحر من زمان دي فعرفهم يعني أن الموضوع صدفة وأنه هو كان عنده فضول
وأنه وهو بيقرأ في الكتاب ده راح محضر جن بالغلط ولسوء حظه بقى مقدرش يصرف الجني تاني
والجني ده مكنش عادي خالص وكان ناوي أن هو يزيد يأذيه بس الدجال لكن الدجال حبسوا في الحمام وكمل قراءة عادي عشان الجن لا يأذيه.
لحد ما آذان الفجر أذن فأول ما اذان الفجر بدأ الجني اتحرق وعمل الانفجار الشديد اللي الناس سمعته في المنطقة والحيطة وقعت .
وكان في حيطة ثانية عليها صورة قرآنية بس مفيش حاجة جاءت جنبها والناس يقولوا إنهم لا يعرفوا ازاي الصورة دي اتعلقت علي الحيطة دي ولا مين اللي علقها
ودار الكلام اللي قاله صاحب شقة العفاريت ببورسعيد إن هو ميعرفش أي حاجة عن الصورة
الغريب إن الحكومة جاءت وصلحت شقة بورسعيد تاني كم غير ما تعلن السبب عن الانفجار بس بعد ما الشقة اتشطبت تاني ورجعت زي الأول قرروا إنهم يقفلوها
ساعتها اتقال إن هي مش بس اتقفلت بالباب والمفتاح لأ ده اتبني طوب مكان الباب بحيث تبقي حيطه ومحدش يقدر يدخل شقة العفاريت ببورسعيد.
الموضوع ساعتها كان عامل رعب شديد لدرجة إن المنطقة دي بالذات اشتهرت جدا كانت عامله كده بالضبط كأنها مزار سياحي من كتر ما الموضوع انتشر وناس كثير تكلمت عنه.
وكان في ناس بتيجي من محافظات بعيدة جدا مخصوص بس على عشان تشوف الشقة دي
حتى سواقين المكروباص كانوا عارفين المكان ده باسم شقة العفاريت ببورسعيد وكانوا بينادوا لو حد عاوز يركب للطريق ده
ولمدة أسبوعين ثلاثة كاملين بعد الحادث ده ما حصل كان في ناس فارشة عند المنطقة بلب وترمس وحاجات بتبيعها كأن فعلا هذا مولد مش مكان عادي
الغريب أن عمود النور اللي كان عنده عماره 11 اللي حصلت عندها الحادثة دي الراس بتاعته اللي هي بتنور الشارع بدل أن تنور لتحت اتقلبت لفوق
يعني مثلا هذا لو حادث المفروض انها تتكسر وتميل لتحت أكتر ولكن حصل العكس.
طبعا في ناس كثير كانت مكذبة الكلام هدا ومكنتش مصدقة وبتقول أن الموضوع ده اتعمل بالقصد ولكن في ناس أكتر مقتنعين بالموضوع لدرجة إنه فعلا شقة العفاريت ببورسعيد دي منتشرة جدا هناك.
وأنت لو سألت أي حد ساكن في بورسعيد هيعرفك الموضوع ده بس والله أعلم أيا كان هو السبب فموضوع عمارة العفاريت ببورسعيد انتشر وانا مجرد نقلته لك.
وهذا ما كان في جعبتنا حول قصة قصة شقة العفاريت ببورسعيد ولمعرفة المزيد من قصص الرعب في مصر أو قصص الرعب عموما يمكنك الاطلاع عليها من هنا.
وذلك فيديو يوضح قصة عمارة العفاريت ببورسعيد كاملة.
